រាជរដ្ឋាភិបាលកម្ពុជា តាមរយៈទីស្តីការគណៈរដ្ឋមន្ត្រី កាលពីព្រឹកថ្ងៃទី១៨ ខែសីហា ឆ្នាំ២០១២ បានចេញផ្សាយនូវកម្រងឯកសាររបស់សម្តេចនាយករដ្ឋមន្ត្រី ហ៊ុន សែន សម្រាប់អធិប្បាយ ផ្តល់ការបំភ្លឺ ស្តីពីបញ្ហាព្រំដែនកម្ពុជា-វៀតណាម ដល់អង្គប្រជុំរដ្ឋសភា។ កម្រងឯកសារនោះ ត្រូវបានបោះពុម្ពជាសៀវភៅផងដែរ។
កម្រងឯកសារ ដែលមាន ៨៦ ទំព័រនោះ មានចំណងជើងធំថា "អត្ថបទគោល របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់អធិប្បាយ ផ្តល់ការបំភ្លឺ ស្តីពី ការងារបោះបង្គោលខណ្ឌសីមាព្រំដែនគោក និងការកំណត់ព្រំដែនសមុទ្រ រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ក្នុងសម័យប្រជុំពេញអង្គរដ្ឋសភា ថ្ងៃទី៩ ខែសីហា ឆ្នាំ២០១២"។
នៅក្រោមរូបថតរបស់សម្តេចនាយករដ្ឋមន្ត្រី ហ៊ុន សែន ក្នុងកិច្ចប្រជុំរដ្ឋសភា ក៏មានការសម្រង់ប្រសាសន៍របស់សម្តេច មកគូសបញ្ជាក់ថា "សម្តេចអគ្គមហាសេនាបតីតេជោ ហ៊ុន សែន៖ គោលការណ៍សំខាន់នៅទីនេះ គឺធានាឲ្យបានដាច់ខាតថា កម្ពុជានឹងមិនខាត ឬបាត់បង់ដីឡើយ សូម្បីតែ ១ ម៉ែត្រក្រឡាក៏ដោយ"។
យោងតាមមាតិកា អត្ថបទគោលរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់អធិប្បាយ ផ្តល់ការបំភ្លឺ ស្តីពី ការងារបោះបង្គោលខណ្ឌសីមា ព្រំដែនគោក និងការកំណត់ព្រំដែនសមុទ្ររវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម" ក្នុងកិច្ចប្រជុំពេញអង្គនៃរដ្ឋសភា ថ្ងៃទី៩ ខែសីហា ឆ្នាំ២០១២ មាននៅលើទំព័រទី១ ដល់ទំព័រទី ៣៦។
តែចម្ងល់ដែលមនុស្សគ្រប់គ្នាឆ្ងល់បំផុតនោះគឺ តើអ្វីដែលដែលសរសេរក្នុងសៀវភៅនេះ សុទ្ធតែទទួលស្គាល់ដោយប្រជាជនដែរឬទេ? ពិសេស គឺបងប្អូនដែលកំពុងរស់នៅតាមព្រំដែនដោយផ្ទាល់។
ម្យ៉ាងទៀតឯកសារដែលបកស្រាយទាំងនេះអាចចាត់ទុកថាត្រឹមត្រូវ១០០% ដែរឬយ៉ាងណា? ព្រោះការបកស្រាយគឺមានតែសម្ដេចម្នាក់ឯងដែលឡើងនិយាយ ហើយមិនបានអនុញ្ញាតិអោយតំណាងរាស្ត្រ ឬគណបក្សដទៃដែលបានកោះហៅអោយមកនេះ អាចសួរជាសំនួរ ឬដេញដោលទាល់តែសោះ សូម្បីតែលោក សុនឆ័យ ដែលមានប្រត្តិកម្មខ្លះចំំពោះប្រសាសន៍របស់សម្ដេចហ៊ុនសែនក្នុងពេលគាត់ កំពុងបកស្រាយ ស្រាប់តែក្បាលមេក្រូរបស់លោកសុនឆ័យត្រូវបានកាត់ផ្ដាច់ មិនអោយនិយាយឮសំឡេងក្នុងការផ្សាយផ្ទាល់នោះដែរ។
No comments:
Post a Comment